क्यान महासंघ बाँकेको आयोजनामा हुने ” ५ औं क्यान इन्फोटेक २०२५ मा अल्फा बिटा जोडिएको छ ।
‘५ औं क्यान इन्फोटेक २०२५’ को स्टडी अब्रोड पार्टनरको रुपमा अल्फा बिटा जोडिएको हो ।
अल्फा बिटा नेपालगन्जका अध्यक्ष बिजय भण्डारी, सिनियर कन्सल्टेन्ट शंकर श्रेष्ठ तथा क्यान महासंघ बाँकेका निवर्तमान अध्यक्ष शिशिर नारायण श्रेष्ठ र क्यान महासंघ बाँकेका उपाध्यक्ष ओस्कर थापाको उपस्थितीमा ५ औं क्यान इन्फोटेक सफल बनाउन क्यान बाँके र अल्फा बिटा बीच सम्झौता भएको हो ।
नेपालगन्जमा स्थापना भएको अल्फा बिटाले अष्ट्रलियासहित विश्वका विभिन्न देशहरुका उत्कृष्ट विश्वविद्यालय तथा कलेजका लागि परामर्श सेवा उपलब्ध गराउँदै आएको छ ।
क्यान महासंघ बाँकेले आयोजना गर्ने ५ औं क्यान इन्फोटेकलाई सफल बनाउन नेपालगन्जको अल्फा बिटा बीच शुक्रवार औपचारिक रुपमा सम्झौता भएको क्यान बाँकेका सचिव रमेश बिसीले जानकारी दिएका छन् । यस अघि एजुकेसन पार्टनको रुपमा क्यान क्यान इन्फोटेकमा नेपालगन्ज क्याम्पस सहभागी भैसकेको क्यान बाँकेले जनाएको छ ।
नेपालगन्ज उद्योग वाणिज्य संघको आयोजनामा माघ १० गते देखि २२ गतेसम्म नेपालगन्जमा हुने प्रादेशिक महोत्सवमा ५ औं क्यान इन्फोटेक २०२५ को आयोजना हुन लागेको हो ।
नेपालगन्ज : क्यान महासंघ बाँकेको आयोजनामा हुने ” ५ औं क्यान इन्फोटेक २०२५ को एजुकेसन पार्टनरमा नेपालगन्ज क्याम्पस अफ म्यानेजमेन्ट एन्ड टेक्नोलोजी रहने भएको छ ।
‘५ औं क्यान इन्फोटेक २०२५’ को एजुकेसन पार्टनरको लागी क्यान बाँके र नेपालगन्ज क्याम्पस अफ म्यानेजमेन्ट एन्ड टेक्नोलोजी बीच सम्झौता समेत भैसकेको छ ।
नेपालगन्ज क्याम्पस चिफ निशान शाक्य क्यान महासंघ बाँकेका अध्यक्ष यज्ञराज जोशी बीच क्यान इन्फोटेक २०२५ को सहकार्यको लागी सम्झौता भएको हो ।
जिल्लामा हुने आइटी सम्बन्धी गतिविधि बढाउन र नेपालगन्ज र वरपरको क्षेत्रका डिजिटल प्रवर्द्धन र प्रविधिको विकासका लागि ५ औं क्यान इन्फोटेक २०२५ को सहकार्य होस भन्ने ध्ययले क्यान बाँके र नेपालगन्ज क्याम्पस अफ म्यानेजमेन्ट एन्ड टेक्नोलोजीको सहकार्य भएको क्यान बाँकेका सचिव रमेश बिसीले जानकारी दिएका छन् ।
आइटी क्षेत्रको बिकासको लागी हाम्रो नेपालगन्ज क्याम्पस अफ म्यानेजमेन्ट एण्ड टेक्नोलोजी क्यान बाँकेसंगको सहकार्यमा क्यान इन्फोटेकमा जोडिएका छौ जसले प्रविधिको बिकासमा थोरै भएपनी योगदान हुनेमा बिश्वस्त रहेको क्याम्पस चिफ निशान शाक्यले बताए ।
नेपालगन्ज क्याम्पस अफ म्यानेजमेन्ट एण्ड टेक्नोलोजीले त्रिभुवन विश्व बिद्यालयबाट सम्बन्धन लिएर बिएस्सी सिएसआइटी र बिसिएका कोर्सहरु संचालन गरिरहेको छ ।
नेपालगन्जमा हुने प्रादेशिक महोत्सवमा क्यान इन्फोटेक २०२५ को आयोजना हुन लागेको हो ।
