नेपालगन्ज : क्यान महासंघ बाँकेको आयोजनामा हुने आईएनजी स्क्रिन ५ औं क्यान इन्फोटेक २०२५ को सह-प्रायोजकमा (एसोसिएट पार्टनर) ‘डिजिटल पालिका’ जोडिएको छ ।
माघ १० गते देखि २२ गतेसम्म नेपालगन्जमा हुने आईएनजी स्क्रिन ५ औं क्यान इन्फोटेक २०२५ को सहप्रायोजक (एसोसिएट पार्टनर) को रुपमा निन्जा इन्फोसिसको ‘डिजिटल पालिका’ जोडिएको हो ।
निन्जा इन्फोसिस प्राली नेपालगन्जका आइटी इन्जिनियरहरुको टिमले स्थापना गरेको आइटी कम्पनी हो, जसले स्थानीय तहलाई डिजिटलाइज गर्ने उदेश्यले एकिकृत मोबाइल एपसहितको प्रणाली ‘डिजिटल पालिका’ निर्माण गरेको हो ।
क्यान बाँकेको आयोजनामा हुने क्यान इन्फोकेटको ५ औं संस्करण नेपालगन्ज उद्योग वाणिज्य संघको आयोजनामा नेपालगन्जमा हुने प्रादेशिक महोत्सवमा आयोजना हुन लागेको हो । जसको टाइटल स्पोन्सरको रुपमा आईएनजी स्क्रिन रहेको क्यान महासंघ बाँकेले यस अगाडी नै घोषणा गरिसकेको छ भने एजुकेसन पार्टनरमा नेपालगन्ज क्याम्पस र अब्रोड स्टडी पार्ट्नरमा अल्फा बिटाको सहकार्यको रहने छ ।
सञ्चार तथा सूचना प्रविधि प्रदर्शनीमा क्यान महासंघका सदस्य संस्थाहरूका साथै विभिन्न राष्ट्रिय र अन्तर्राष्ट्रिय सूचना तथा सञ्चार प्रविधिसम्बन्धी कम्पनीहरूको उत्पादन तथा प्रत्यक्ष सहभागिता रहने क्यान महासंघ बाँकेले जनाएको छ ।
प्रर्दशनीमा व्यवसायीहरूले व्यापार विस्तारका साथै नयाँ–नयाँ प्रविधिको प्रदर्शनी गर्नेछन् ।
प्रादेशिक महोत्सव परिसरमा आयोजना हुने ५ औं क्यान इन्फोटेकमा अवलोकनकर्ताले एकै थलोमा सूचना तथा सञ्चार प्रविधिका नौला र भविष्यका निम्ति प्रविधिहरू र उपकरणको अवलोकन तथा खरिद गर्न पाउने क्यान महासंघ बाँकेका अध्यक्ष यज्ञराज जोशिले बताएका छन् ।
क्यान इन्फोटेकमा सूचना प्रविधिसम्बन्धी सबै प्रकारका सेवा र जानकारीसहितका स्टल रहने र नेपालगञ्ज र वरपर डिजिटल प्रवर्द्धन र प्रविधिको विकासमा सहयोग पुर्याउने लक्ष्य राखिएको क्यान महासंघ बाँकेका सचिव रमेश बिसीले जानकारी दिएका छन् ।
नेपालगन्ज ः कोहलपुर नगरपालिका वडा नं. ७ जोगिडाँडाका २६ बर्षका बिशाल घर्तिलाई ३ महिना अगाडी निमोनियाले ग्रसित बनायो । केही महिना अगाडी विशालले राम्रै कमाईका साथ जिवन विताईरहनुभएको थियो । पछिल्लो ३ महिना यता उहाँलाई निमोनियाले थला प¥यो । भारतमा काम गर्दै आएका विशाल भारतमै विरामी भएपछि उपचारमा सघाउने कोही भएनन् । भारतमा काम गर्दै आएका विशालको कलिला दुई छोराछोरी छन् । ३ महिनादेखि उहाँको उपचारमा धेरै पैसा सकियो । भारतका विभिन्न ठुलठुल्ला अस्पताल लगायत नेपालका विर र भेरी अस्पताल नेपालगन्जमा समेत उपचार भयो तर उहाँको अझै निमोनिया सन्चो भएन । विर अस्पतालमा उपचार गराउदा गराउदै पैसा सकियो कतै उपाय लागेन पुन घर ल्याएर सामान्य उपचार गर्दै आएको बिशालका श्रीमति दुर्गा घर्तिमगरले भन्नुभयो । पैसाका कारण अहिले बिशाल घरमै अक्सिजन लिदै छटपटाई रहनुभएको छ ।
भारतमा काम गर्दागर्दै उहाँ एक्कासी थला परेपछि हरेकसंग राम्रो उपचारको लागि सल्लाह सुझाव लिदै आएका थियो । जसले जहाँ राम्रो ठाउँ भन्थे त्यही ठाउँ लगेर उपचार गरिउ । भएको पैसा सकियो उहाँको श्रीमति दुर्गा घर्तिमगरले भन्नुभयो । भएको ३÷४ लाख रुपैया भारतमै सकियो । नेपालमा हरेक चोटी चेकजाँच गरेको उत्तिकै खर्च लाग्ने गरेको छ श्रीमति घर्तिमगरले भन्नुभयो गरिवको मुखमा यस्तो आपत्ति लागेपछि राम्रो उपचारबाट श्रीमानलाई बञ्चित गराएको महसुस भैरहेको बताउनुहुन्छ । सुखमा त जसले पनि साथ दिदो रहेछ भैपर्दा आफन्त पनि टाढा हुने गर्दौरहेछन श्रीमति घर्तिमगरले भन्नुभयो ।
देश विदेशमा रहेका नेपाली दाजुभाई तथा दिदीवहिनीहरुले जति सके सक्दो सहयोग गर्न उहाँले अपिल गर्नुभएको छ । भएको सम्पत्तिले पुगेन अव जति सके सहयोग गरि मेरो श्रीमानलाई बचाई दिन उहाँले आग्रह गर्नुभयो । घरको सम्पत्तिले उपचार खर्च गर्न नपुगेपछि स्थानिय गाउँ टोलकै आफन्तहरुले सहयोग उठाउदै आएका छन् । राप्तीसोनारी ८ का अबिनास पुनले आफ्नो फेसबुकमा साथीभाईहरुसंग सहयोगको अपिल गर्दा उहाँको साथीहरुबाट ५३ हजार ५ सय रुपैया सहयोग जुटेको थियो सो रकम आइतवार उहाँकै हातमा उहाँले उपलब्ध गराउनुभयो । फेसबुकका साथीहरुले बिशाल र उहाँको घरको दर्दनाक अवस्था देखेर सहयोग गरेको बताएका छन् । यस्तो खाईलाग्दो उमेरमा विशालको स्थिति दर्दनाक अवस्थामा पुग्दा उपचार गर्न मन लाग्यो राप्तीसोनारी ८ का अबिनासले भन्नुभयो । यस्तै विशालको गाउँका साथीभाईहरुबाट आइतवार २२ हजार २ सय ९० सहयोग प्राप्त भएको विशालका काका नरबहादुर डाँगीले भन्नुभयो । अझै उहाँलाई मनकारी हातको खाँचो छ विशालका काकाले भन्नुभयो । उपचार गराउन जाँदा दैनिक कति खर्च हुन्छ भन्ने यकिन हुदैन तसर्थ उहाँको जिवन रक्षाका लागि सहयोगको अपिल छ । श्रीमति भावुक हुदै भन्नुभयो मेरो श्रीमानलाई बचाउन मनकारी हातहरुको खाँचो छ श्रीमानको बाँच्ने बातावरण बनाउन उहाँले हरेक संघसंस्था, स्थानिय सरकार, व्यक्ति, समुह, क्लवलाई आग्रह गर्नुभएको छ । यति बेला मनकारी हातको खाँचो छ उहाँले भन्नुभयो १ रुपैया पनि यतिवेला अमुल्य भएको हुनाले सक्दो सहयोग गर्न उहाँले आग्रह गर्नुभएको छ । पिडित विशाललाई निम्न ठेगानामा सम्पर्क गर्न सकिन्छ । कोहलपुर नगरपालिका वडा नं. ७ जोगिडाँडा । उहाँको सम्पर्क मोबाईल नं. ९८४८०५४१३५, ९७०६९६२६०९ यदि उहाँलाईं देश विदेशबाट पनि सहयोग गर्न चाहने व्यक्ति वा संघसंस्थाका लागि उहाँको काका नरबहादुर डाँगीको नाममा रहेको कुमारी बैंकमा रहेको खाता नं. २२२०२११४८९८००००१ जम्मा गरि सहयोग गर्न सकिने छ ।
