लुम्विनी प्रदेशका सामाजिक विकास मन्त्री जन्मजय तिमिल्सिनाले समाज बनाउने दायित्व सबैको भएको बताएका छन् । हरित प्राविधिक तथा व्यवसायिक शिक्षा र तालिम सम्वन्धी नेपालगन्जमा सोमवार आयोजित अभिमुखीकरण कार्यक्रमलाई सम्वोधन गर्दै उनले समाज बनाउने दायित्व नविर्सन आग्रह समेत गरे ।
सामाजिक विकास मन्त्रालयको आयोजनामा भएको कार्यक्रममा उनले आफ्नो हठ त्यागेर समाज बनाउने अभियानमा लाग्न सुझाव दिए । ‘यहाँ ठूलो बौद्धिक समूह हुनुहुन्छ । सबैलाई मेरो आग्रह छ । हामी सबैले हामीभित्रको हठ र म मात्रै निपूर्ण छु भन्ने भावना त्यागेर समाज बनाउने दायित्व सम्झिन आग्रह गर्दछु ।’
विशेषगरी शिक्षकहरुको सामाजिक दायित्व बढी भएको उनले बताए । ‘शिक्षक भनेको समाजको ऐना हो उनले भने–‘शिक्षकले महिला हिंसा विरुद्ध, बालबालिकालाई विद्यालय ल्याउने सवालमा, किसानलाई असल किसान बनाउने सवालमा, मजदुरलाई सक्षम मजदुर बनाउने सवालमा, व्यवसायीलाई सफल व्यवसायी बनाउने सवालमा मेरो जिम्मेवारी छ । मेरो कतव्र्य हो भन्ने कुरा शिक्षकले बुझ्न आवश्यक छ ।’ उनले शिक्षण सिकाइ र सीपलाईलाई प्रभावकारी गराउन आवश्यक रहेको पनि बताए ।
‘सीप सिकेर मात्रै पनि हुदैन उनले भने–‘त्यसको उपयोगिता र व्यवहारिकता पनि हेर्नु पर्छ । अव सीप सिकेर त्यसको प्रयोग भएन भने उपलब्धी हासिल हुन सक्दैन् । यसतर्फ पनि सबैले ध्यान दिन आवश्यक छ ।’ मन्त्री तिमिल्सिनाले
हरिता शिक्षा प्रबर्धनका लागि प्रभावकारी भूमिका निर्वाह गर्न सरोकारवाला पक्षलाई आग्रह पनि गरेका थिए । उनले प्राविधिक शिक्षाका माध्यमबाट जलवायुमैत्री वातावरण कायम गर्नका निमित्त त्यस खालका कार्यक्रमलाई प्राथमिकता दिन पनि आग्रह गरे । अभिमुखिकरण सामाजिक विकास मन्त्रालयका उपसचिव विष्णु पन्थीको अध्यक्षतामा भएको हो । उपसचिव पन्थीले हरित शिक्षा, हरित अर्थतन्त्र, हरित उत्पादन प्राथमिकता दिँदै कार्वन उत्सर्जन न्यूनीकरणमा टेवा पुर्याउने उद्देश्यले अभिमुखीकरण कार्यक्रम गरिएको जानकारी दिए । उनले भने–‘दिगो विकास तगा वातावरणीय सचेतनाको अभ्यासलाई प्राविधिक तथा व्यावसायिक शिक्षा र तालिमका सम्पूर्ण प्रक्रियामा आन्तरिकीकरण गर्ने प्रक्रिया हो ।
हरित शिक्षा, हरित अर्थतन्त्र, हरित उत्पादन प्रणाली जस्तै खालको अवधारण हो । विद्यार्थीलाई हरित रोजगारीको प्राप्तिमा सहजीकरण गरी हरित उत्पादन तथा हरित उद्यमशीलता विकासमा सहजीकरण गर्दछ ।’ उनले प्राविधिक शिक्षालाई जलवायुमैत्री बनाउन अभिमुखीकरण कार्यक्रमले महत्वपूर्ण भूमिका निर्वाह गर्ने विश्वास लिएको पनि बताए । प्राविधिक शिक्षा संचालन भएका विद्यालयका प्रअ, शिक्षक, पालिकाका शिक्षा शाखा प्रमुख लगायतलाई अभिमुखीकरण गरिएको पनि उनले बताए ।
कार्यक्रममा प्रदेश सभा सदस्य सुशिला नेपाली र मिना सिद्दिकी, सामाजिक विकास डिभिजन कार्यालयका प्रमुख उद्धव श्रेष्ठ लगायतको पनि उपस्थिति रहेको थियो ।
नेपालगन्ज । जिल्ला प्रहरी कार्यालय जाजरकोटले छ किलाेग्राम लागू औषध अफिम सहित साेमवार तीन जनालाई पक्राउ गरेकाे छ । पक्राउ पर्नेमा नलगाड नगरपालिका-१० का हरि बाँनिया (चालक), वडा-९ बस्ने बर्ष २३ को सुरेश सिंह र बर्ष ३० को दिपक सिंह रहेका छन् ।
जिप्रका जाजरकोटका सुचना अधिकारी एवं प्रहरी निरीक्षक हरिराम डाँगीका अनुसार, लागूऔषध अफिम जस्ताे खैरो रङ्गको अर्थठोस पदार्थ सहित उनीहरु पक्राउ परेका हुन ।
इलाका प्रहरी कार्यालय रिम्नाबाट प्रहरी नायव निरीक्षक शिठ कुमार चौधरीको कमाण्ड खटिएको प्रहरी टोलीले चेकजाँचका क्रममा रिम्ना बजार स्थित जाजरकोट -डोल्पा सडक खण्डमा नियमित चेकजाँच गरिरहेकाे थियाे ।
सोही क्रममा क्रममा नलगाड नगरपालिका -१० बस्ने हरि बाँनियाले तल्लुबगर देखि नेपालगंजसम्मका लागी कर्णाली प्रदेश ०२००१ च. ११४५ नम्बरको रातो प्लेटको डबल क्याप बोलेरो जिप चलाई ल्याइरहेको प्रहरीले देख्याे ।
प्रहरी निरीक्षक डाँगीका अनुसार, चेकजाँच गर्दा सो जिपमा सवार दिपक सिंहको साथमा कालो रङ्ङ्गको सेन्थेटिक झोला भित्र लुकाई छिपाई ल्याएको अवैध लागु औषध (अफिम) जस्तो देखिने खैरो रङ्गको अर्धठोस (गिलो) पदार्थ ३ केजी र नगद अक्षरुपी पच्चिस हजार रुपैयाँ बरामद भएको थियाे ।
सोही जिपमा सवार सुरेश सिंहको साथबाट थप ३ केजी गरी जम्मा छ किलाे अफिम बरामद भएको हाे । प्रहरी निरीक्षक डाँगीका अनुसार ‘लागु औषध (अफिम) जस्तो देखिने खैरो रङ्गको अर्धठोस (गिलो) पदार्थ ६ केजी र सो ल्याउन प्रयोग गरिएको कर्णाली प्रदेश ०२००१ च. ११४५ नम्वरको डबल क्याप बोलेरो जिपलाई रितपुर्बक नियन्त्रणमा लिएको छ ।
‘पक्राउ परेकालाई आजै सम्मानित जाजरकोट जिल्ला अदालत खलंगा जाजरकोटबाट पहिलो पटक दिन ७ (सात) को म्यादथप अनुमति लिई जिल्ला प्रहरी कार्यालय जाजरकोटको हिरासतमा राखि थप अनुसन्धान कार्य भईरहेको छ ।’- प्रहरी निरीक्षक डाँगीले भन्नुभयाे ।
लागु औषध नियन्त्रणमा जाजरकोट प्रहरीको यो ठूलो सफलता हाे । अन्तर्राष्ट्रिय बजार मूल्य अनुसार यति ठूलो परिमाणकाे लागू औसधको मूल्य धेरै हुन्छ । प्रहरी निरीक्षक डाँगीले लागू औषध नियन्त्रणसंगै अपराध नियन्त्रण गर्ने प्रहरीको जिम्मेवारीलाई ईमानदारीतापुर्वक लागू गरिएको बताउनुभयो ।
जिप्रका जाजरकाेटले अबैध रुपमा लगाईएको अफिम नष्ट गर्ने अभियान नै चलाएको छ । इप्रका रग्दा र प्रहरी चौकि पाँचकटिया जाजरकोटबाट प्रहरी टोली खटी गई विभिन्न स्थानहरूमा अबैध रुपमा लगाईएको १९ रोपनी अफिम नष्ट गरिएको छ ।
बाँके — इलाका प्रहरी कार्यालय कोहलपुरले प्रहरी नायव उपरीक्षक (DSP) धर्मराज भण्डारीलाई विशेष कार्यक्रमका बीच बिदाइ गरेको छ।
भण्डारीको नेपाल प्रहरी केन्द्रिय अनुसन्धान ब्यूरो (CIB), महाराजगञ्ज, काठमाडौंमा सरुवा भएपछि कार्यालयले उनको सम्मानमा बिदाइ कार्यक्रम आयोजना गरेको हो।
कार्यक्रममा प्रहरी अधिकृतहरू, कार्यालयका कर्मचारीहरू तथा स्थानीय प्रतिनिधिहरूको उपस्थिति रहेको थियो। कार्यक्रममा बोल्दै DSP भण्डारीले कोहलपुरमा बिताएको कार्यकाललाई स्मरणीय बताउँदै सबै सहयोगीहरूलाई धन्यवाद व्यक्त गर्नुभयो।
उहाँले नयाँ जिम्मेवारीमा पनि इमानदारीपूर्वक काम गर्ने प्रतिबद्धता जनाउनुभयो।
इलाका प्रहरी कार्यालय कोहलपुरका प्रमुखले भण्डारीले कार्यालयको व्यवस्थापन तथा सेवा प्रवाहमा पुर्याएको योगदानको प्रशंसा गर्दै आगामी कार्यकालका लागि शुभकामना व्यक्त गर्नुभएको थियो।
